Giyera sa Middle East

June 16, 2025

9:25am

Doha Qatar

Ang bansang Israel at Iran ay kasalukuyang nagdidigmaan dito sa Middle East dahil sa kani kanilang mga pinaglalaban.  Nakakatakot dahil sa mga sunod sunod na pagbagsak ng mga bomba sa kani kanilang lugar. Bagaman malayo naman ang aming kinaroroonan dahil nasa bansang Qatar ako syempre dama pa din namin ang pangamba dahil apektado lahat ng mga naninirahan sa Middle East. Marami mga OFW ang nasa bansang Israel at Iran na kasalukuyang nagtatago sa kani kanilang mga safe houses. Kaya sana po ay nasa mabuting kalagayan ang mga kaibigan natin na andun sa mga bansang nag-aaway.

Nag anunsyo na ang ilang mga bansa sa pansamantalang titigil sa pagbiyahe ng kanilang mga paliparan nasa ibaba po ang posting na mula sa GCC News ng Pilipino in Kuwait.

Link: GCC News

Nakakalungkot dahil sa walang katapusang hidwaan ang nangyayari dito sa Middle East. Ang digmaan ng mga bansa ang isa sa mga kinakatakutan  naming mga OFW.  Syempre bilang isang manggagawa sa Middle East takot din kami sa aming kaligtasan dahil baka madamay sa kaguluhan na nangyayari.

Tignan natin ang bilang mga OFW sa ilang bansa na nasa Middle East. Narito po sa baba ang kuhang larawan na mula sa website ng DFA Philippines.

Link: www.dfa.gov.ph

Sa kasalukuyang datos iyan po ay mula pa noong 2020 at marahil baka tumaas na po ang bilang ng mga OFW dahil sa marami na din ang may mga bagong kontrata sa kani-kanilang trabaho.

Kung sakaling sumiklab ang World War 3 sa Middle East paano makakauwi ang mga OFW na nasa gitna ng gulo? Sana po matulungan din ang mga OFW na mapapa-uwi mula sa pangyayaring ito. Sana din magkaroon agad ng mapayapang solusyon pa tungkol sa lumalalang sigalot dahil nag aalala ang bawat pamilyang nasa Pilipinas.

Narito ang ilan mga link nang pangyayari

Link 1  Link 6  Link 11  Link 16  Link 21

Link 2  Link 7  Link 12  Link 17  Link 22

Link 3  Link 8  Link 13  Link 18  Link 23

Link 4  Link 9  Link 14  Link 19

Link 5 Link 10 Link 15  Link 20

Strait of Hormuz

Ang Strait of Hormuz ang isa sa pinaka importanteng daanan para sa kalakalan sa buong Middle East. Kaya sana wag maapektuhan ang pag block ng IRAN, para na rin sa kapakanan ng mga naninirahan sa Middle East. Mag antabay tayo sa mga kaganapan na mangyayari sa mga susunod pang mga araw kaya mag ingat po ang lahat lalo na ang mga bansang malapit po sa digmaan.

Pagsali ng Amerika sa Giyera

Inanunso at sumali na ang Amerika sa pagpuksa sa Nuclear Facilities ng IRAN, Nakakabahala dahil ito na siguro ang simula ng malaking digmaan dito sa Middle East. Nakakatakot ang labanan ng mga bansa dahil sa Nuclear Reactor ang kanilang mga pinupuksa. Isa ito sa mapinsalang kemikal na ikakamatay ng mga tao. Kaya nakakabahala po ang ganitong mga pangyayari. Malapit lang sa Qatar ang IRAN dahil tawid dagat lamang ito. Kung Magtutuloy-tuloy ang ganitong pangyayari marahil napakalaking gulo ito sa Middle East at napakarami ang maaapektuhan.

June 23, 2025

Doha, Qatar

7:25pm

Yumanig ang madilim na kalangitan ng Doha sa mga missile attack na mula sa bansang Iran. Nasaksihan ko ang ilang mga pangyayaring pagsabog sa kalangitan. Nasa City kasi ako noon dahil sa may pinuntahan akong client ng makarinig ako ng mga malalakas na pagsabog. Nakakatakot talaga dahil naglabasan ang mga tao sa kalye para makita ang pangyayarii. 

Hindi ko akalain na makikita ko ang mga dambuhalang mga missile na nasa ere at doon nag salpukan. Lubhang nakakabahala ang ganitong pangyayari dahil mangangamba ang mga mahal natin sa buhay.

Basta ingat na lang tayo sa lahat ng mga gagawin natin.

Hanggang dito na lang muna ulit at mag update ako sa mga susunod kapag nagkaroon ako ng panahon...hanggang sa muli mga ka BuhayOFW...

Continue

Muling pagsabak ni Papa Alex

June 10, 2025

NAIA Terminal 1

3:30am

Pamamaalam sa Pamilya, yan ang palagi naming ginagawa sa huli namin pagkikita tuwing babalik na ako sa work ko sa abroad. Isang taon na naman ang hihintayin ko para muli ko silang makasama. Nakakalungkot diba, akala siguro ng iba ay madali lang ang umalis papunta sa abroad pero ang hindi alam ng iba, lungkot at pag iisa na naman ang nararanasan namin. Ang bawat OFW na lilisan ng bansa ay iisa lang nais niyan kumita ng pera para may pang suporta sa pamilya. Malaki at maliit na sweldo ay parehas lang din ang nararamdaman dahil mag isa na naman sa ibang bansa.

Video Link: Muling pag alis ni Papa Alex

Photo Link: Kuhang larawan

BuhayOFW - Masaya na malungkot ang nararamdaman ng bawat isang OFW na aalis ng bansa dahil sa kikita ng pera pero ang kapalit naman nito ay pangungulila nila sa mga mahal sa buhay. Minsan nga may mga OFW pa na pag alis ng bansa ay napaka daming iniwang utang dahil sa dami ng gastusin nila. Lakasan lang talaga ng loob kahit na maraming problema ang nag aantay basta ang pinaka importante lang ay makabawi para sa pagbalik ulit sa Pilipinas ay maging masaya kasama ang buong pamilya.

ME - Masaya ako dahil kahit papaano ay maayos naman ang kumpanya na napuntahan ko sa bansang Qatar. Nagpapasalamat din ako kahit papaano ay hindi nila ako pinababayaan sa mga panahon na kailangan ko din ang suporta nila. Kaya naman kahit na mabigat ang responsibility ko sa company ay hindi ko ina ayawan dahil yun lang din ang return ko sa kanila. Dami ko ng nahawakan na Posisyon at trabaho kahit nga hindi ko na trabaho ay ginagawa ko na din para additional knowledge at experiences.

Ang buhay sa abroad ay hindi madali dahil dito mararanasan mo ang pagiging matatag sa lahat ng bagay. Dito mo din matutuhan kung paano makisama at pakipagkapwa tao. May mga iilan pa nga na kahit na maganda na ang ginawa mo sa kanya ay ibabalik pa sayo ay depression at problema. Pero ganun talaga ang buhay need lang nang malawak na pang unawa para makayanan natin ang bawat hamon ng buhay. Sabi nga ni Tatay Bhoy sa akin, "Anak wag mong tingnan ang nagawa mo sa ibang tao ang importante maging masaya ka lang at sigurado ako na ibabalik lahat sayo ang lahat ng mga bagay na gusto mo marating." Totoo ang na sabi sa akin ng aking AMA dahil kahit gaano kabigat ang buhay may mga tao pa ding handang tumulong at umalalay. Ang BuhayOFW ay sadyang ma pag hamon sa buhay dahil hindi mo alam kung kelan at saan ka magiging masaya.

Biyahe - First Time kong sumakay ng eroplano gamit ang connecting flight ng OMAN papuntang Qatar. Medyo mura lang ang Fare nito kumpara sa Direct Flight na offer ng Philippine Airline at Qatar Airways. Sa mga OFW na nagtitipid ng expenses madalas ito ang ginagawa para makatipid ng konti. Pero ang karanasan na ito ay sa mga taong kailangan ng tiyaga dahil napakahaba ng paghihintay bago ka makapunta sa talagang bansang pupuntahan mo. Maraming OFW ang nakita ko na nasa transfer flight katulad ko dahil iba't ibang bansa din ang pupuntahan nga mga nakasabay kong OFW na gamit ang OMAN Air. Pero ang mahalaga ay nakarating kami ng maayos sa lugar na aming pupuntahan. Para sa akin ay ayos lang naman din ang karanasang ito dahil nakatapak ako sa lupain ng bansang OMAN.

Hanggang sa muling paglipad mga kaibigan at ingat tayo parati sa bawat hamon ng buhay bilang OFW. Salute to all of you sa mga nakasama ko sa Biyaheng OMAN Air.

Continue

A Journey of AJ18th Birthday

May 16, 2025

Timing: 5:30pm - 10:00pm

A journey of AJ 18th Birthday 

"Eighteen years, a garden grown each season shaping who I've become. Now, petals brave the morning sun, ready for journeys just began".  -Alisa Flores

Nakakatuwang nakauwi ako ng bansa para makadalo sa 18th Birthday ng aking unang prinsesa na si Ate AJ my Love. 

Akala ko nga ay hindi ako matutuloy umuwi dahil sa kakauwi ko lang ng last year October. Tuwang tuwa ako dahil sa pinayagan naman ako ng aking boss at ng opisina pero syempre all expenses ay mula sa aking sariling bulsa. Actually napaka laki ng gastos ko dahil sa pamasahe pa lang ay nakakalula na ang presyo. Subalit hindi ko na inisip ang gastos basta makauwi na lang ako ng bansa para makadalo ng Birthday niya. Sabi nga ng mga matatanda, kahit madaming problema basta may paraan lahat magagawa.

Ang promise natin sa ating mga anak ay hindi dapat natin binabalewa dahil doon natin naipapakita sa kanila ang pagmamahal at pagsuporta sa kanila kahit na hindi natin sila nakakasama ng matagal dahil sa malayo tayo sa kanila. Ang pagiging OFW ay isang napakalaking sakripisyo na hindi matutumbasan ng kahit ano pang salapi. Ang bawat panahon na wala tayo sa ating bansa ay katumbas ng pangungulila natin sa kanila. Kaya dapat lang na gawin natin ang lahat upang kahit papaano ay nakakabawi tayo sa kanila sa mga panahon na hindi natin sila kapiling.

Malaking pasasalamat sa ating Diyos AMA na dakila sa patuloy na pag gabay niya sa ating lahat kahit na napakaraming problema basta palagi lang tayo manalangin at gumawa ng mabuti upang palagi niya tayo ilalayo sa mga kapahamakan.

Narito pala ang ilan sa mga memories sa birthday celebrations ni Ate AJ kong mahal

Click the link Preshoot: Preshoot ni Ate AJ

Click the Link Event: Photos ni Ate AJ

Click the Link: Photobooth1

Click the Link:  Photobooth 2
Click the Link: Event Highlights

Click the Link: Event Higlights

Maraming salamat sa lahat ng bumisita sa aking blog Ingat tayo parati.

Continue

A very quick vacation

A very quick vacation...

"Opportunity may come ONCE, grab it and make all the things happen even if you are in difficult situations. ALWAYS BE GREATFUL & THANKFUL...Si Alex ito MEN."

Maraming beses na ako umuwi ng Pilipinas pero ang pag uwi kong ito ang isa sa pinaka importanteng bakasyon na hinihiling ko AMA. Tatlo kasi silang nagtapos ng kanilang pag aaral sa kanikanilang baitang. Si Axcel at Leklek ay sabay na nag tapos ng Elementary schooling habang si Ate AJ naman ay nagtapos ng kanyang grade 12. Nakakatuwa dahil ang bakasyon kong ito ay totoong inaabangan nila dahil may nilaan akong pabuya sa kanilang mga achievements.

Kasabay din nito ay 18th birthday 🎂 ng aking panganay na anak.

Photos: 2025 Quick Vacation Photos & Videos

Continue

The TIME will Pass but your IMAGE will stay FOREVER

April 25, 2025

Doha Qatar

"The TIME will pass but your image will stay FOREVER, always do GOOD as they will remember you even if your GONE." #apflores03

Napansin ko na tumantanda na din pala ako at may mga bagay na dapat maipriority katulad na lang ng kalusugan. Minsan naisip ko na masarap pa din mabuhay lalo na kung walang karamdaman. Mas importante pa din ang malusog na pangangatawan lalo na kung wala naman nag aasikaso sayo. Minsan nga naisip ko na ding huminto maging OFW pero bakit hindi ko pa din magawa? 

Madami pa din kasi ang importante ipriority lalo na kung ang iniisip natin ay kapakanan ng ating pamilya. Nakakainggit talaga ang mga pinanganak na mayaman dahil wala na silang intindihin sa mga bayarin at maging sa kanilang pang araw araw na gastusin. Ang life natin ay puno ng mga hiwaga minsan matagumpay tayo minsan naman ay sadlak tayo sa kahirapan. Kaya nga sa bawat panahon na lumilipas mas masarap pa din mamuhay ng simple at walang iniisip na problema. 

Ang tagumpay ay pinagsisikapan at hindi yan nakukuha sa mabilis na paraan. Minsan may panahon na kilala kasi may pera at impluwensya ka. Pero may panahon ding magiging ala ala ka nalang dahil hindi kana kapakipakinabang. 

Cheers to everyone who are the same with my AGE....Love you All❤️

Continue