Tuesday, December 31, 2013

Goodbye 2013 - Flores Family

Lapit na nating iwan ang taong 2013, ilang oras na lang at sasapit na tayo sa taong 2014. Marami akong dapat ipagpasalamat sa taong lumipas dahil marami akong natutunan na leksyon sa taong 2013. 

Salamat sa lahat ng tulong na ginawa ng dakilang lumikha kahit na maraming problema ang nangyari naging matatag kami at lalong naging masaya. 
 
 Sabi sa akin ng aking anak noong time na kinausap niya ako.

"Papa wag na kayong mag aaway ni Mama kasi nalulungkot ako kapag nag aaway kayo, Bati na kayo please - AJ."

Nakakarelate na kasi siya sa mga nangyayari mag 7th years old na kasi siya. Tinanong ko siya kung paano niya nalaman na mag kaaway kami ng Mama niya. Ang sagot pa naman sa akin.

"Kasi Papa lagi siya nakasimangot at laging galit pati nga ako pinapagalitan, Sinasabi ko nalang sa kanya. Mama wag ka mag aalala ako bahala kay Papa magbabati din kayo - AJ."

Natawa ako sa mga sinabi sa akin ng aking panganay na anak dahil sa tuwing hindi pala kami nagkakasundo ng aking asawa ay bugnutin si Misis hehehehe....

Mahilig kasi akong mag asar lalo na kapag nahohomesick ako dahil sa sobrang miss ko na sila. Kaya minsan nang aasar ako para may makulit lang pero ang totoo nagbibiro lang ako.

Salamat ng marami sa mga taong naging kaibigan ko, naging kaaway ko, naging katulong sa mga time na need ko ng help. Maraming salamat sa inyo!

Goodbye 2013 lalo na sa mga makukulit na ala-ala ng aking pamilya. Sa lungkot at saya alam ko na magkakasama pa rin tayo kahit nung mangyari andito lang si Papa.

Mahal na mahal ko kayo kaya palagi kayong mag iingat....

Ps. Love Papa Alex


Friday, December 13, 2013

Ang magpalarong MERALCO - 2013

 
http://www.gmanetwork.com/news/photo/28291/marginalized-consumers-protest-vs-meralco-power-rate-hikes
Nagulat tayo sa biglaang pagtaas ng singil sa kuryente sa darating na buwan December 2013 - January-February-March 2014. Marami sa atin ang nagtatanong kung makatwiran po ba ang ginawa ng meralco ukol sa pagtaas ng singil na ito para matugunan ang kulang na pondo na ikinalulugi ng ahensya ng meralco dahil daw sa system lost. Pweeee....

Mahirap na nga ang pamumuhay ng ating mga mamamayan dinagdagan pa ng ganitong klaseng pahirap. Siguradong tataas na naman ang bilihin dahil kailangan ipasa din ng mga negosyante ang naging dagdag singil na ito sa kanilang negosyo. 

Naiisip ko lang nakakaawa ang magiging karanasan ng ating mga anak kung patuloy pa rin ang ganitong klaseng sistema. Lalo na kung wala namang ginagawang aksyon ang ating pamahalaan. Inaalala ko tuloy kapag ganito pa rin ang sistema baka wala ng magandang kinabukasan sa ating lahat.

Pahirap na ng pahirap ang pamumuhay dahil sa walang kwentang pamamalakad sa ating lahat. Sa bawat paggastos natin ng pera na mula pa sa pinaghirapan ng ating katawan ay napupunta lang sa mga bayarin na kailangan nating bayaran. Simula ng ako'y nagkaisip hindi na nawala sa akin ang problema sa pagbabayad ng kuryente. Working student pa lamang ako noon ay katulong na ako ng aking mga magulang sa pagbabayad ng kuryente sa bahay. Maliit na nga lang ang kinikita ko noon sa fastfood chain ay pambayad lang sa kuryente namin sa bahay.

Ganito pa rin ba ang issue na kinakaharap ko bagaman matagal na akong nagtatrabaho sa ibang bansa. Nakakalungkot lang isipin dahil marami akong mahal sa buhay ang apektado nito. Nalaman ko na masyadong nagigipit ang sampu sa aking mga mahal sa buhay dahil sa taas ng kuryente at iba pang bayarin na kanilang binabayaran.

Nakakalungkot lang isipin na kahit ang pinakamataas na pinuno ng ating bansa ay walang magawa sa ganitong klaseng pahirap sa mga mamamayan. Kailangan pa nila humingi ng paliwanag sa ERC (Energy Regulatory Commission) kung papayagan ang gagawing pagtaas singil. Ito po ang link: eagle news

"Bakit po ganun lang ang kanilang reaksyon sa ginawa ng meralco" 

Dati ayon sa history nagawa ni Presidente Marcos kontrolin ang meralco at ito ay sa pamunuan ng NAPOCOR kung saan ang Gobyerno ang may kapangyarihan dito. Ngunit bakit nawala na naman sa kapangyarihan ng gobyerno. Nakakalungkot isipin pero kayo na po ang bahalang magbasa ito po ang link: All about MERALCO

Sana naman ay magkaroon pa ng pagbabago sa sistema ng ating pamumuhay sa Pilipinas dahil bilang isang AMA ng tahanan natatakot ako sa posibleng mangyari sa aking mga anak sa darating na panahon kaya nagbabakasakali ako na magkaroon ng magandang buhay sa ibang sa bansa para na rin sa kanilang kinabukasan.

Pikit mata akong matutulog sa araw na ito at susubukan kong kinabukasan ay wala ang isang bangungot na balita na umalingasaw sa buong Pilipinas.

Pilipinas GOD BLESS YOU

Thursday, December 5, 2013

Infiniti JX 2013


Frosted Sticker Printed
3M FASARA Glass Finishes Glace
Size: 50 inches x 98.4 ft
Item Code: 3M ID JR451038905UPC 00051131114869
Process by: Top Printers Qatar
Project by: Alex Flores
Thank you for visiting my Blog to express my way of communication to all of you.... God Bless

Tuesday, December 3, 2013

Our People Champ - Manny "Pacman" Pacquiao

Mabuti na lang at meron tayong pambansang kamao na nagbigay ng panibagong pag-asa sa ating mga kababayan. Ang kanyang pagkapanalo laban kay Brando Rios ay muling itinaas ni Manny Pacquiao ang ating bandila na naging inspirasyon ng ating mga kababayan nasalanta mula sa katatapos na bagyo.

Credit to the owner of this photo
Si Manny Pacquiao ay laki sa hirap na katulad nang karamihan sa atin. Nagsikap at nagtiyaga bago niya narating ang estado ng kanyang buhay. Pareho lang natin siya dati na kumakain ng tatlong beses sa isang araw. Anak mahirap kaya may pusong pagkamahirap. 

Nitong nakaraan araw, personal niyang dinalaw ang mga biktima ng bagyo, namahagi ng pagkain, pera at pagpapayo sa mga kababayan nating nasalanta. Nakita natin lahat at saksi tayong sa kabutihan ng kanyang puso. Sa kanyang pagdalaw doon ay dala niya ang bagong pag-asa para sa mga biktima at kinasasabikan nilang lahat. Siya lang ata ang nabubukod tanging namahagi ng isang libong piso sa bawat tao na kanyang bibisitahin. Kung ating napapanood sa telebisyon may dala din siya relief packs at ang isa sa nakakamangha ay ang pamamahagi niya ng bibliya na simbolo ng pananalig sa Diyos.

Nabalitaan din natin na natulog siya sa isang camp na kung saan doon din natutulog ang mga naging biktima ng bagyo. Sinamahan niya katulad ng karaniwang tao na natutulog sa tent. Namangha ako sa kanyang ginawa dahil ayon sa mga balitaan ko siya lang ata ang gumawa ng mga bagay na iyan.

Ito ang tunay na tao na handang tumulong sa abot na kanyang makakaya. Naniniwala ako sa kabutihang loob ni Ginoong Manny Pacquiao na sa kabila ng problema na kanyang hinaharap tungkol sa kanyang account at gumawa pa rin siya ng paraan para tumulong sa kapwa.

Mabuhay ka Manny at saludo kami sayong kabayanihan.
#mannypacquaio #bangonpilipinas

Monday, December 2, 2013

Masamang Panaginip ni Yolanda

Ang paghagupit ni bagyong Yolanda ang isa sa pinaka masamang panaginip ng ating mga mamamayan sa parte ng kabisayaan. Ang bagyong ito ang naging dahilan kung bakit marami ang lumuha dahil sa mga namatay nilang kaanak. Marami din ang nasirang ari arian at kabuhayan kaya halos hirap makabangon ang ating mga kababayan. Sinira din ng bagyong ito ang mga daan at pasyalan kaya naman buong Pilipinas ay nalulungkot sa pangyayaring ito.
Credit to the owner of this picture




Credit to: Julie Anne San Jose 

Akala ng marami ay isa lamang itong karaniwang bagyo na dadaan at mawawala lang ng madalian. Kahit ang ating gobyerno ay hindi inaasahan ang ganitong klaseng pinsala. Kaya nga ayon sa mga balita ay hindi handa ang ating mga LGU at ang ating pamahalaan sa mga ganitong klaseng kalamidad. Hindi natin sila masisi dahil wala naman talaga kasalanan ang ating gobyerno. Ika nga nila natural disaster at hindi natin inaasahan ang ganitong pangyayari.

Maging ang media ay dumanas din ang malaking pagsubok at ibinuwis pa ang kanilang buhay para lamang maipaabot s atin ang mga balita. Nakita naman natin kung paano nila ginampanan ang kanilang mga tungkulin bilang mga media. May mga ilan tayong provincial broadcaster ang namatay dahil sa kanilang dedikasyon sa trabaho. Ipagmalaki po natin silang lahat.

Maging  sa ating kasundaluhan ay maagap na tumulong sa mga nasanlata hindi nila inalintala ang kanilang pagod at puyat para lamang magbigay tulong sa ating mga kababayan. Halos 24hrs na nga sila kung magtrabaho kahit gutom at uhaw na sila ay patuloy pa rin ang kanilang pagsisilbi dahil sa kanilang mga tungkulin.

Ang hindi natin matatawaran ay ang mga doktor at nurses na kahit nasira ang kanilang mga gamit ay nagawa pa rin nilang manggamot ng ilan nating kababayan na nasugatan at napahamak sa nangyari bagyo. Sila din ang unang gumamot sa mga may sakit nating mga kababayan. Kaya naman dapat po natin silang pasalamatan.

Dumating ang napakaraming tulong ng ibang bansa na mula pa sa mga malalayong lugar. Sila ang unang nagbigay ng ayuda para maibigay ang mga pagkain at iba pang kailangan ng ating mga kababayan. Noong natapos ang bagyong yolanda at nakita ng buong mundo na talagang wasak ang mga lugar at kabuhayan. Dumating ang mga naglalakihang barko at eroplano na galing pa sa ibang bansa na may dalang iba't ibang pantulong sa mga mamamayan. Malaki ang naging bahagi ng kanilang humanitarian effort sa ating mga kababayan dahil sa hirap ang ating gobyerno sa pagpasok sa mga liblib na lugar kaya silang gumawa ng paraan.

Lumabas sa balita na ang ating gobyerno ay puro dahilan kung bakit naaantala ang mga tulong. Aminin man natin o hindi ito ay isang pagsubok na hindi natin kaya dahil sa laki ng pinsala. Kahit gustuhin man ng ating gobyerno na tulungan lahat ng ating mga kababayan ay hindi mangyayari iyon dahil na rin sa kakulangan ng kagamitan. Nagbagsakan ang mga puno, kuryente, bahay, sira din ang kalsada at marami pang dahilan. Pero dapat pa rin natin silang pasalamatan dahil sila ang unang umaksyon para mabigyan ng dagliang tulong ang ating mga kababayan. Kulang man ating kagamitan ay hindi pa rin matatawaran ang tulong na ibinigay nila lalo na ang mga nasa posisyon na tumulong. Ibinigay nila ang kanilang buong makakaya kahit hirap silang aksyunan ng madaliaan dahil nga sa hindi inaasahang delubyo na dala ni Yolanda.

Marami sa atin ang galit na galit sa ating pamahalaan subalit tayo din naman ang may kasalanan kung bakit sila nandyan. Tayo ang bumoto sa kanila kaya sila ang nasa pwesto. Iwasan na natin ang sisihan sa mga nangyari dahil kahit anong gawin natin ay wala tayong dapat sisihin sa kanila. Sila ang may kapangyarihan upang makatulong sa ating mga kababayan.

Kapit bisig tayong babangon mula sa masamang panaginip na ito at sa tulong ng bawat isa sa atin ay malalampasan natin ito. Muli tayong aahon sa hirap at ito ang magiging dahilan natin para muli tayo sumaya lalo na ang ating mga kababayang naapektuhan ng nasabing kalamidad.

Sa pagsisimula muli na ating mga kababayan sa kanilang kabuhayan.  Maging daan sana tayong lahat para sila ay matulungan. Walang kasing sarap ang tumulong sa kapwa kahit ito man ay sa materyal na bagay o espiritual. Kailangan natin maging huwaran sa lahat para ng ganun ang mga nabibigo sa kanilang buhay ay magkaroon ng pag asang umahon muli sa kahirapan na kanilang pinag dadaanan.

Ilang taon daw ang kailangan para makabalik sa normal na buhay ang ating mga kababayan. Naniniwala ako na kaya itong madalian kung ang bawat isa sa atin ay tutulong para maisaayos ang mga napinsala. Ilang milyon ang tao sa buong kabisayaan at alam ko na kaya nating magbayanihan upang magawa ng mabilisan ang mga nasirang daan, tulay at ibang gusali. Sa ating pagbabayanihan ay madali nating maaayos ang lahat, tayong mga Pilipino ay may ugaling matulungin kaya naman magagawa natin pabilisin ang pag rehabilitasyon sa mga lugar na nasalanta.

Sa tulong ng gobyerno ay muling babalik ang mga ngiti at saya ng mga naninirahan sa parteng bisaya kaya mag bayanihan po tayo para sa mga nasalanta ng bagyo. Muli po ito ang aking Inside my heart topic for today.

God Bless to all and alam ko na walang problema ang hindi nasosolusyunan.

-Alex-